Great Ideas

Indian Army Ki Taqat!

Indian army duniya ki best army mani jati hai. Aapko mai inki training ka ek video batata hu jisme unki furti hum dekh sakte hai. Yaha aap dekh sakte ho. Ek VIP neta ko army ke jawan gadi se utar kar stage par bhashan dene lekar jate hai aur itne me atanki humla ho jata hai. Humare jawan quickly ghera bana kar, VIP ko gadi me bitha dete hai aur waha se gadi lekar age badte hai. Itne me waha ek dhamaka hota hai, to bina time waste kare wo gadi reverse me lete hai aur thoda piche jakar gadi 180 digree me ghuma lete hai. Fir army ki 2 gadiya aakar, atankiyo ki gadi ko block kar dete hai, aur unhe pakad lete hai. Is tarah se Vip ko bachane ke, aise kai quick plans par, unki humesha aisi hi trainings chalti hai.

Kitkat aur Government ki Tax Par hui ladhai! Mamla supreme court pahocha!

Dosto kya aap jante hai 1999 me, kitkat aur government ke bich aisa kya hua tha jo mamla supreme court tak gaya tha. Actually us dawran, choclates par 20% tax lagta tha aur waffers par sirf 10%. Ab tax dene ka jab time aya to kitkat ki company nestle ne kaha, ke kitkat choclate nahi waffers hai. Bas choclate se covered hai. Isliye hum 10% hi tax denge. Lekin government ne kaha ke nahi. Kitkat ek choclate hai bus usme thoda sa waffers hai isliye tax 20% hi hoga. Mamla jab court pahocha to judge ne dono side sun kar kaha 'Har choclate me cocoa hota hai lekin har cocoa product choclate nahi hota. Isliye hum kitkat ko waffer man sakte hai.' Is tarah se nestle company ne sirf 10% hi tax diya aur karodo ka tax bacha liya.

Submarine ke dubne ke 18 mahine baad zinda lauta ye Vyakti!

1941 me ek british submarine samudr me pahera de rahi thi. Achanak wo ek sea mine se takrai aur tukde tukde ho kar sumudri tal tak jake dub gayi. Usme tezi se pani bharne laga lekin samudri tal me pani ka pressure itna hota hai ki agar koi vyakti bahar nikalne ki koshish karta to uski haddiya pressure ki wajah se tut jati. Fir bhi John naam ka ye vyakti bach nikla. Lekin kaise? Actually jab ye submarine dubi tab John so rahe the. John jab uthe to 98 log mare jaa chuke the aur sirf 3 zinda bache the. Oxygen tezi se khatam ho raha tha isliye unhone waha se nikalne ka plan banaya. Unhone submarine ka cap open kiya aur apne aap ko bahar ki taraf dhakka diya. Cap se nikalne wali hawa ne unhe pressure se bachne me madat ki lekin Kuch minto baad sirf john pani ke upar aye. Yaha se John 7 km tak taher kar gaye aur ek iceland par pahoch gaye. Us iceland ke machwaro ne unhe 18 mahino tak chupa kar rakha kyu ki wo tapu italy ka tha aur us waqt Italy aur Englad me VishwaYuddh chal raha tha. Aur Finally 18 mahino ke baad john ghar laute.

Duniya ke 3 Sabse khatarnak Kide

Duniya ke 3 sabse khatarnak kide. Number 1 Bombardier Beetle. Bombardier Beetle bahot jyada khatarnak kida hai kyu ki jab koi shikari janwar ise khata hai to ye apni body se bahot hi tezi se ubalta hua acid chhodta hai jisse shikari ke internal organs buri tarah jal jate hai aur wo ise ugal deta hai. Infact shikar karne ke liye bhi wo is acid ka use karta hai. Number 2 Giant Japanese Hornet. Ye hornets 2 inch tak bade hote hai aur inka dunk itna pawerful hota hai ke jab ye apne shikar ko dunk marta hai, uska sharir galne lagta hai. Aur kai baar dunk marne se shikar fauran mar jata hai. Janwaro ke sath is hornet ne kai insaano ki bhi jaan li hai. Isiliye Japan me inko khatam karne ki mohim bhi chalayi jaa chuki hai. Number 3 Trantula Hawk. Dosto is kide ko Taratula makdi ke shikar ke liye jana jata hai. Iske dunk marne se makdi paralysed ho jati hai jiske baad wo ispar ande deta hai. Aur jab bacche ande se bahar aa jate hai to ye makdi ko zinda ho khana shuru kar deta hai. Ye sach me bahot khatarnak hai. 

Khabhi na khatam hone wale games

Dosto wo games jinhe log khel khel kar ghanto bita deta hai, Kya aap jante hai unka end kaisa hai? Hai bhi ya nahi? Temple run ki agar hum baat kare to is game ka koi end nahi hai. Aap ki kai pidiya bhi is game ke ant tak nahi pahoch sakti. Internet khatam hone par khela jane wala humara ye game agar apko pura karna hai to uske liye 1 lakh 70 hazar saalo ka waqt lagega. Matlab inshort amar hona padega. Haha. Subway surfer bhi same temple run ki tarah hai jiska koi end nahi hai. Ab baat karte hai candy crush ki. Is game ki android par 6920 levels hai but game designers consitantly iske updates lati hai aur naye level add hote rahte hai. To shayad in games ki ending hum kabhi bhi nahi dekh payenge.

Two players shared Gold medal

2 players high jump me compete kar rahe the aur ant me dono ko goldmedal mil gaya. Lekin kaise? Gold sirf ek hi playe ko milta hai. To darasal hua ye ke tokyo olympics 2020 me qatar aur Italy ke player ke bich high jump ka final compition chalu tha. Last me 2.37 meter ki height set ki gayi aur kaha ke jo ye jump achieve kar lega use gold mil jayega. Surprisingly dono players ne wo jump achieve kar li. Fir ye hieght badha kar 2.39 m kardi di gayi, lekin 3 3 attempts ke baad bhi dono ise cross nahi kar paye. Fir referee ne kaha ke ab dono ek sath jump karo aur jiski height jyada hogi wo winner hoga. Lekin tabhi qatar ke player ne kaha ke kya hum ye gold share kar sakte hai? aur referee ne kaha ke bilkul aap kar sakte ho aur fir dono ko gold medal de diya gaya. Isse pahele aisa history sirf ek baar hua tha 1912 me. 

14 Saal ke is bacche ne lakho logo ki jaan bachayi!

Africa ka ek Malawi naam ke desh me 2000 se 2001 ke bich bahot bhayakar bhukmari ayi thi. Har taraf sukha pad chuka tha aur fasal ugna band ho gayi thi. Log bhuk aur pyas se marne lage the. Tabhi William Kamkwamba naam ke ek 14 saal me bacchhe ne kuch aisa kar dikhaya jisse pure country ke logo ki jaan bach gayi. Willian ne jab uske dekh ki ye halat dekhi to use ek baat yad ayi jo usne books me padi thi ke pawan chakki se bijli utpanna ki jaa sakti hai. Lekin pawan chakki kaise banti hai ye jaane ke liye use books ki zarurat thi aur wo school jaa nahi sakta tha kyo ki fees na bharne ki wajah se use school se nikal diya gaya tha. Jaise taise karke wo school ki library me pahocha aur pawan chakki kaise banayi jati hai iske baare me padha. Aur 2 mahine ki mashakkat ke baad usne lakdi ki pawan chakki bana li. Iski madat se usne kuwe se pani nikala aur kheto ki zamin jo pani ke abhaw se banjar ho chuki thi use fir se hara bhara kar dala. Jisse literally lakho logo ki jaan bachi. Badme unhe padhai ke liye america bulaya gaya aur aaj Malawi dekh pura hara bhara ho chuka hai aur william ne 100 se jyada schools bhi banaye hai jisme garibo ke bachhe muft me padte hai.

Aise 3 patthar jinki kimat hire se bhi jyada hai!

3 Aise patthar jinki kimat hire se bhi jyada hai. Number 3 par hai Alexandrite Gemstone. Ye bahot hi kamal ka aur kimti patthar hai. San 1830 me ise Russia ke Ural naam ki pahadi me khoja gaya tha. Iski sabse khaas baat ye hai ki ye stone alag alag lights me apna rang badalta hai aur aisa lagta hai ke uska original color yahi hai. Ye stone ki kimat lagbhag 10.5 lakh per carret hai. Abhi tak ka sabse bada Alexandrite Gemstone, srilanka me paya gaya tha jo 425 carret ka tha.

Number 2 Jadeite Gemstone. Ye bahot hi rare gemstone hai. Ye kafi alag alag rango me paya jata hai jaise Green,lavender, red, orange, yellow, brown, white, black, aur gray. Sabse kimti Jadeite, Green color ka hai jiski kimat takriban 18 lakh per carret hai. Honkong me 27 Jadeite Gemstones ka ek haar banaya gaya tha jo 70 karod me bika. 

Number 1 par hai Black Opel. Black opel ye sabse mahenga aur adhbhut Gemstone hai jisme bahot saare rang dikhayi dete hai. Aur wo dekhne me kaafi jyada dilchasp hota hai. Iski kimat Lagbhag 28 lakh Rupiye per carret hai.